Obrero, Santa Cruz e Atlético San Pedro disputan o sábado, a partir das 5 da tarde no Campo Leonardo Maceira dos Regos, a semifinal do II Torneo de Fútbol Concello de Oleiros feminino. Será en formato triangular ante a baixa na competición do Unión Campestre de Montrove.
O domingo disputaranse os partidos de ida das semifinais do LII do Torneo Concello de Oleiros masculino. O Hércules-Marino será ás 19:00 no campo de Anido e o Atlético San Pedro-Santa Cruz ás 20:30 no Nano García de Iñás. Os partidos de volta serán, respectivamente, na Marola e no Leonardo Maceira o mércores ás 20:30 horas.
As finais celebraranse o sábado 26 no Campo Deportivo Municipal A Marola. A de homes será ás 17:00 e a de mulleres ás 19:30 horas.
